好多個嘩的5個月

5個月話長唔長，短又唔係好短，不過對每個人都有唔同既意思

嘩.嘩嘩………….呢幾個字係過去我的5個月成日都會講。因為我5個月就係3間公司到做野。我今日諗返呢幾個月所遇、所見既都幾難忘同永不忘記的事。

5月至9月中，其實就係CH到做，日日都係做UBW project，簡直係一個石棉人。出site、曬相、羅相、入database、做report、交report、執NC case都係一手包辦。不過，有好既阿頭，同好好彩途中請左2個人返黎，滿心歡喜----太好啦!! 當然，佢地都要時間去適應新野既，我明白，因為我做新人時係咁俾人係咁鬧，仲要扮好人，都痴線…..

不過，好開心係我遇到一個好似我既人，一樣係咁發癲當影錯印，係咁改同一個相匡成5 -6次---佢係Stacey。我同佢變熟的時間對我黎講簡直驚人，只不過大約半個月。我地一路係咁 “辛”，但係咁好開心。真係唔捨得，岩岩先同其他同事熟絡，我要走啦，要轉去M記到做。呀!!講返轉頭，去M記到做都係因為一個唔算太熟既同事的介紹， UBW有經驗，我同事既搭路，而可以轉到工。

去到M記，哈… 同Kelly一齊做同事，不過Kelly又走啦，我要接手做佢既野 IEC project，寫report，幾得意，幾有挑戰性。每星期都要出site幾日，都幾開心出去行下好似郊遊咁，有講有笑，真係唔似返緊工咁。

9月27號，check email，嘩嘩嘩嘩……….. MC記的女大粒人問我有無興趣再chat下。嘩….梗係有啦，我5月頭考緊試的時候去見工，好想做架，因為MC係做environ野仲要做大基建的consult潻，恨到我呀!一定學到我想要既野啦……

10月2號(Tue)，second interview，女大粒人同另一個人in我，好緊張架全程English，唉……我都唔知點用英文形容我曾經做過既野，好核突，內心己打定輸數無咩可能架啦。仲要in完個晚interview後遺症攪到訓唔著潻。點都好啦，我10月4號(Thur)都打俾Tony話佢知我再in過既。Tony話佢地打過俾佢，問佢我得唔得架咁喎! 嘩!!!

10月5號 (Fri)，十點幾鐘響電話……….係MC打黎俾offer我呀……..嘩嘩嘩!!!!!!!!!!!! 但我問個HR我個post做咩，佢唔知喎要搵返女大粒人覆我。….電話一直都唔響既，走去check 下email..嘩嘩!!!!女大粒人send email俾我話我電話唔通，所以send email俾我話我知呀…..又係超好人.再睇真內容，我又嘩嘩聲啦，簡直不敢相信，個job duties就係我想要既野，仲係要train我學EIA既野，學有所成就既就有機寫report既機會潻。真係好開心，開心到唔知點形容，我內心已經話俾自己知係99%會去做雖然我未答實佢，因為我要問黃大仙求下簽先安心 kekeke……..

最後，我要係到講一聲多謝俾曾經幫過我，助我一把既所有人。多謝曬!!!!!!!!!!!!!

6 October 2007

真正的暑假

今日係9月1號啦….但今日先係真正的暑假.

今日我同kitkit去左佐敦Neway唱K,唱左2個半鐘.哈哈…我地都未唱夠喉 heheee…其實,今次係我地第一次只係我地兩個人去唱K呀!!!!!!!!!!!!!!!!!好得意呀,平時既我唔夠膽對住其他人唱架,但今次呢就唔同啦,我自己一個人唱歌 (hee..當然有和唱啦 :p) kitkit都係好似我咁,唱左佢最拿手既歌,光良既 “第一次”, “童話”同王力宏既 “唯一”…哈哈..

我地唱到6:15pm,之後去左尖沙咀無聊行下同搵野食. 我地就入左去玩具反斗城,行下行下, 嘩…………………. 鱷魚 .. …… 好彩係玩具姐 係鱷魚牙醫呀,係用黎掛袋size黎姐, 好野,kitkit買俾我呀. 以我記憶中好似係第一次行行下街我想要既野kitkit就買俾我啦.. ^^

我地之後去左翡翠到食dinner, kitkit叫左個水煮牛肉拉麵,都唔係好辣姐,我都食到
但kitkit食一如以往食辣野,就飲埋d湯…….嘩…都傻架 ,跟住就係咁,d辣湯彈左入眼呀,kitkit就辣到fly起咁濟呀彈左入眼.

今日好輕鬆,好特別呀!!!!!!!!!!!!!!!!

將來!!!

今日一早起身,就係同kitkit返去City聽個career 既talk。不過，到最後都係唔俾我玩架，咁我自己去左kitkit間房到做下功課，kitkit就繼續聽啦。我地食完lunch，就去左行街街啦 hehehe~~~~~~~ 嘩!我地都好耐未試過有太陽時咁輕鬆行街街啦係星期六(因為kitkit好多時都唔知醒羅…) 我地行左一陣旺角，跟住就去尖沙咀坐係個海榜既podium一陣啦。之後，行下太空館行下商場睇下衫咁。我地行行下，見到See’s Candies kitkit就話入去睇下，之後就買左5粒古古力($54) ，好好味好開心呀 :p 跟住就去食味千dinner啦。食完之後仲好早，我地行左上去九龍公園到傾計計，講開我將來既目標同kitkit既目標呀。我諗住就係係到繼續做，係Poly畢業之後就轉工做AEC。Kitkit既目標係35做AT&T，到大約50就返City教書。一直kitkit都唔鐘意呢係學校成世，但佢而家覺得到老時返學校教書回饋返學校呀。哈哈! 我地都好耐無咁游閒咁講下將來野啦

新龜龜 ^^

今日做野好大壓力呀,成枱file,又out唔切,又有個人com我,話我的office電話無人聽咁就開個file"staff complaint"....唔開心呀-_-

放工後,見到kitkit就係咁"新", 無曬心機....唉

之後, 我地出去行街街,我話想去金魚街(hehe…我想買龜龜:p)
我地係金魚街行黎行去,係咁搵龜龜, 唔算太多

最後,我地停左係一間金魚鋪門口,我就踎低係度睇d龜龜
嘩! 見到一隻龜龜都幾活躍,係度爬黎爬去
(備註: 係其他鋪頭睇度既巴西龜都係訓覺,隻隻都唔郁,唔知係咪因為夜晚呢.)
跟住,我就睇來睇去,睇清楚呢隻龜龜身上有無白點

哈哈,無呀…我就買左呢隻龜龜啦!
係返屋企途中,kitkit不停咁同隻龜龜玩,又攪到佢反轉(肚)

好叻叻呀~~


今日係3月18日(星期六),哈哈~~~
好開心,kitkit識醒呀,好叻叻呀 (一定要讚下先 :p)
係9:46 am有電話響,係kitkit黎架~~~~~~~~~~~~~~~~~~~~~~~~~~
好開心,多謝kitkit33

幸福棉花糖

擒日(2月19號)7:00am就起身，同kitkit要9:00去到天水圍濕地公園既義工訓練簡介會既野。哈哈，kitkit識醒呀!!叻叻 我係樓下搭265M去天水圍，諗住係荃灣join埋kitkit上車一齊入去架。嗚，kitkit要去M記買早餐遲左，我要落車等埋佢lu。

1:30pm度，個義工訓練完左啦，唔知kitkit好似唔開心同嬲爆爆咁既，問佢又唔講喎。跟住，想去大佛食齋當lunch架，點知俾架264M呃左，要成3:10pm (50mins)先到青衣。唉，咁就係青衣城仙跡岩食lunch啦。

kitkit就話想去食大佛齋做晚飯啦，去東涌問下人啦。原來係無得夜晚食架，算啦。哈哈，同kitkit入左冒險樂園買左好大舊士多啤梨味棉花糖。我地太無野做啦，就坐左係東薈城對出既噴水池，一路吹風一路睇噴水。

之後，我地搭巴士去沙田食晚飯。我地落錯車 : p，沿住河邊行，平靜既心情一路講我地幾年後既事。

嘩!我地係風月堂食呀，個環境都幾靚架，仲好好味添。都夜啦又攰! 我地搭巴士返屋企。好眼訓呀，訓左係kitkit膊頭，好舒服呀~~好耐都未訓過啦，hehe
仲有呀…手手….好開心。
kitkit話唔走去外國讀，留係香港讀PhD………………..嘩!!!!!好開心，真係好開心!!

Baby Limit

大前日晚(姐係2月9號零晨),同緊kitkit用Skype開咪用,kitkit就係到講佢個日係學校同d人講供摌當同大陸學者點樣點樣,我就一邊填緊form去apply job一邊就聽住佢講野。唉…我一路聽就一路諗有咩反應好呢，但….我真係俾唔到任何反應佢，因為我真係無任何呢d經驗或感覺，只好繼續聽。

突然姐姐問我有無G.F.340既form，我就諗住快快咁應左姐姐就繼續聽kitkit講野(因為我唔想打斷佢，如果唔係就好似唔聽佢講咁)。但,點知….我同緊姐姐講野，突然cut左個咪。我以為斷線啦，但原來係kitkit offline埋。唉…..又出事啦!

之後,我即刻打返俾kitkit,諗住問下咩事啦…..又息電話。只好send message俾佢問佢。我無端端俾人cut線，息電話,問又問唔到。我諗有無攪錯，我應姐姐有問題咩，kitkit平時佢都會無啦啦同佢媽媽講野,我都唔會嬲架,攪咩呀?攪錯呀,我識體諒你，你同mum 講野好,定係同阿John阿san san都好,我知道無可能個下唔應其他人架，我好無辜。但點都好啦，我都講左sorry先。

第二日，我打俾kitkit無人聽。到左9:30am，message到。跟住，kitkit再打黎，我講返，我係有聽佢講野，我記得佢講咩，但跟本我都唔知俾咩反應佢。跟住都無再講返件事。到左夜晚返到屋企，mum mum 就問我擒日做咩吵架同kitkit。我就同mum 講都唔做咩事，同緊姐姐講野，就無啦啦cut線。

係擒日(2月10號)一早，係8:25am打黎，佢去到美孚啦!本來好開心kitkit醒左啦，好乖乖咁既。突然，kitkit再問我擒晚(即係2月10號零晨)時，我同mum mum 講佢d咩，咪同返kitkit講羅。原來佢話佢問我有無聽，話我唔答佢喎。………..我記憶中好似無聽過佢問過我呢樣野，我惟有當我聽唔到佢講呢句。不過，我又可以講得返曬佢講咩野出黎，咁姐係我係有聽佢野啦。跟住，我就企係office樓下到吵起上黎，唉…….俾office d人睇到我吵起黎，好ugly。跟住，講到喊曬咁。

我好努力去聽kitkit講咩，竟然話我唔聽佢講咩野。聽佢講野，要好用心力去聽去諗去分析，而俾到反應佢。有時，有d topic我真係俾唔到任何意見佢，就好似攪到我唔聽佢講野咁。

另一方面，每樣野都有limit，連聽人講野都有limit。聽得耐都需要休息一下。呢樣野係kitkit自己講，d學生都好努力去做lab report，但個個星期都要交一份lab report，未免已過左佢地俾心機做report既limit啦。有時，我知自己到左limit，我唔想打斷kitkit講既野而唔出聲，自己努力咁聽。但我之後都唔會啦，limit一到，我會講俾我休息一陣先再講過，同俾時間我去分析一下。再講呀，kitkit都要了解我幾時係我既limit，咁就俾我休息下嗎。:p